Një mundësi e artë


Na rrëfen Ubade ibën Samit, radijallahu anhu, nga Pejgamberi, sal-lall-llahu alejhi ve sel-lem, i cili ka thënë:

“Kush zgjohet gjatë natës e thotë:

La ilahe il-lallahu vahdehu ka sherike lehu, lehul-mulku ve lehul-hamdu ve huve al-la kul-li shejin kadir. Elhamdulilah ve subhanallah ve la ilahe il-lallah vallahu Ekber ve la haule ve la kuvete il-la bil-lah 

(Nuk ka hyjni që meriton adhurim veç Allahut, i Cili është Një pa rival, Atij i takon pushteti dhe falënderimi dhe Ai ka Fuqi ndaj çdo gjëje. Falënderimi  i takon Allahut, Atë e lavdërojmë, s’ka hyjni tjetër përpos Allahut, Allahu është më i Madhi dhe s’ka fuqi e forcë përpos se me Allahun) e pastaj thotë:

O Allah më fal ose lutet, sigurisht se Allahu i përgjigjet lutjes së tij, e nëse merr abdes dhe falet, namazi i tij pranohet te Allahut”.

Buhariu

عن عُبَادَةُ بْنُ الصَّامِتِ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ مَنْ تَعَارَّ مِنْ اللَّيْلِ فَقَالَ لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ الْحَمْدُ لِلَّهِ وَسُبْحَانَ اللَّهِ وَلَا إِلَهَ إِلَّا اللَّهُ وَاللَّهُ أَكْبَرُ وَلَا حَوْلَ وَلَا قُوَّةَ إِلَّا بِاللَّهِ ثُمَّ قَالَ اللَّهُمَّ اغْفِرْ لِي أَوْ دَعَا اسْتُجِيبَ لَهُ فَإِنْ تَوَضَّأَ وَصَلَّى قُبِلَتْ صَلَاتُهُ . البخاري

Imam Ibën Batali, rahimehullah, duke e komentuar këtë hadith thotë:

Allahu, subhanehu ve teala, ka premtuar në gjuhë të Pejgamberit të Tij, sal-lall-llahu alejhi ve sel-lem, se ai që zgjohet nga gjumi duke e përmendur Allahun me monoteizëm, duke shpreh nënshtrimin ndaj pushtetit të Tij, duke konfirmuar begatitë e Tija, për të cilat e falënderon, duke e pastruar nga çdo gjë që nuk i përket madhërisë së Tij dhe duke e lavdëruar Atë, duke iu nënshtruar me madhërim dhe dorëzim dhe duke u distancuar nga çdo forcë dhe fuqi e vet përpos ndihmës së Allahut dhe forcës së Tij, atëherë nëse i lutet Allahu i përgjigjet, e nëse falet, namazi i tij pranohet. 

Andaj secilit që i arrin ky hadith duhet ta shfrytëzoj këtë mundësi, të punoj me të dhe tërë këtë ta bëjë sinqerisht për Allahun, subhanehu ve teala.

Përktheu: Bekir Halimi

Artikuj

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *